5 Chapter Four

Issa and her family went on vacation in Boracay in two weeks. And, after two weeks, balik naman sa dati. Si Issa ay titira ulit sa condo unit gaya ng kinagawian. At may natitira pang mga araw bago magpasukan. Kaya pumunta muna siya sa mall kasama ang Tita Agatha niya para bumili ng mga bagong damit at gamit pang-eskwela.

Bilin naman ni Agatha, "Issa, 13 years old ka na. Alam ko, sa bago mong school, may makikilala ka. Huwag ka muna magkaka-boyfriend. At isa pa, bata ka pa naman. Hayaan mo muna si Denise at bigyan mo siya ng space. At ikaw, mag-focus ka sa studies ha. Baka sa sobrang gugol mo sa part tme business mo, napapabayaan mo na ang pag-aaral mo?"

Sagot naman ni Issa, "Tita, Ok lang ako. Don't worry. Nababalanse ko naman ang pag-aaral at yung part time business ko."

At sa hindi sinsasadya sa paglalakad nila, hindi nila namalayan na nabungo sila ng mga isa sa grupo ng binatilyo na naghaharutan sa department store. Siyempre, na-irita itong si Agatha, "Ano ba naman kayo? Tumingin nga kayo sa dinadaanan ninyo?"

"Sorry po." paumanhin ng isa na bumanga sa kanila.

"Department Store ito at hindi playground. Hindi puwede kayo dito maghaharutan. Nakakaabala kayo sa mga bumibili." dagdag pa ni Agatha.

Napatingin yung binatilyo kay Issa. At ito naman si Issa, umiwas ng tingin. Hinila na yung binatilyo ng mga kasama niya kasi nahihiya na sila.

At saka pumunta na sina Agatha at Issa sa cashier para bayaran na yung pinamili nila.

****************

Mga ilang oras pa nagdaan, nasa Food Court ang tatlong binata na naghaharutan kanina sa Department Store.

Sabi naman ni Cedric, "Ang sungit naman ng babaeng yon. Akala mo kung sino. Hindi naman siya may-ari ng mall."

Sagot naman sa kanya ni Miggie, "Ganun talaga ang mga babae na nasa mid-40s, nagkakamenopause na."

Sumingit naman ng ibang topic itong si Jose Mari, also known as Joey, yung binatilyong bumungo kina Agatha at Issa, "Pero, maganda yung chicks na kasama ng matanda kanina. Ano kaya pangalan niya?"

Gulat naman ni Miggie, "Hindi naman ganun katanda yung mataray na babae na nakasalubong natin kanina. At isa pa, hindi ka type nung chicks na yon. Mukhang sosyal din ang peg n'un."

Nang sumulyap si Joey sa may escalator, nakita niya na pababa na ng escalator sina Agatha at Issa. At nagmamadali siyang umalis para masundan sila para malaman kung saan sila nakatira at para puwede niya maligawan sa bahay.

Pero, nang nasundan niya ito sa condo unit, nagtataka naman siya kung bakit hindi na tumuloy si Agatha sa condo unit kaya mas lalo siyang naiintriga sa pagkatao ni Issa.

Sasakay na si Issa sa elevator, susundan na siya ni Joey pero hinarangan siya ng guard.

"Teka, ano ang sadya mo dito?" sabi ng guard.

At medyo kinabahan si Joey. Nang nakita niya na nagha-hire ang condo unit ng bagong male staffs, sinabi niya, "Mag-aapply po sana ako."

Sabi naman ng guard, "Akin na ang resume mo."

Sagot naman ni Joey, "Wala po akong dalang resume."

Reklamo naman ng guard, "Ano ba naman ito? Walang dalang resume at wala rin dalang NBI or Police clearance man lang."

At sinamahan na niya si Joey sa HR.

Pinapa-fill-up si Joey ng form at saka ininterbyu ng HR.

"Calamares ang apelyido mo, di ba? Ano ang koneksyon mo sa mga Calamares ng Nueva Ecija, especially Jose Antonio Villaluz-Calamares?" usisa ng HR.

"Calamares? Pagkain po ba yon? Joke lang. Ibig ko pong sabihin ka-apelyido lang." sabi naman ni Joey.

"Mukha nga. Sixteen years old ka na. Pero, second year high school ka pa rin?"taka ng HR.

"Slow learner po ako." sagot naman ni Joey.

"Ok. Hindi puwede sa iyo ang maging messenger, kasi baka maguluhan sa mga instructions ng direksyon ng pupuntahan mo. Dahil sabi mo nga, slow learner ka." sambit naman ng HR.

"I mean, sa Math and Science po ako slow learner. Ok na po sa akin maging messenger." paliwanag naman ni Joey.

"Ok. Pero, all around ka dito ha? Bukod pa sa pagiging messenger, tutulong ka rin sa maintenance sa paglilinis. 14k ang sasahurin mo kada - buwan. Bukas o sa makalawa, dalhin mo sa akin ang mga requirements na nasa listahan." sabi ni HR.

At binigay sa kanya ng HR ang kapirasong papel na naglalaman ng listahan ng mga requirements gaya ng PHIC ID, NBI clearance, Police Clearance, SSS ID, TIN ID atbp.

Sabi naman ng HR ng inabot pa ang isa pang kapirasong papel, "Magpamedical ka na rin. Sagot na namin ang gastos. Pakita mo lang itong papel kasama yung student ID mo."

"Huh?" gulat niya nang inabot niya ang papel.

Ngayon, mukhang nalilito na rin siya na bakit ganito ang pinasok niya. Pero inisip niya na bahala na lang. Basta maging malapit siya sa crush niyang si Issa.

Paglabas niya, tinanong niya ang receptionist kung sino yung dalagita na pumasok sa elevator kanina na hatid ng isang pulang kotse.

Sagot naman ng receptionist na bakla, "Ah, si Ma'am Issa yun. Mayaman ang pamilya n'un. Hindi kayo magkalevel. Huwag ka na magilusyon."

Nagulat naman si Joey sa inasal ng receptionist.

At lumabas na siya ng building, saka sumakay ng tricycle papunta doon sa boarding house na tinitirahan niya.

\

\\

...